［令人驚喜的「熊貓」🐼！］
襯今日好天去西營盤覓食，經過呢間Panda 俾門口大大隻熊貓吸引住。一入到去，老闆熱情say 「Hello 早晨！」，配合埋型格裝潢真係以為自己出咗國！
點咗個Deluxe All Day，食物好有驚喜！
炒蛋應該用咗少少奶，滑得嚟唔重奶味，用料充足食得有實在感而保持嫩滑，係控制溫度嘅水準！麵包夠麥味，最重要係熱辣辣，麵包香氣大大提升。仲有仲有，炒薯仔蘑菇新鮮，焗豆冇青味...總之每一樣擺上碟嘅食物都感受到老闆嘅講究，細緻，用心。
咖啡濃香，聽到老闆教職員點樣沖靚咖啡，對一事一物都執著。見到佢牆上有幅畫解構每款咖啡嘅比例，就知有原則。
期間老闆不時走出嚟social，談笑風生，無論口中定佢fanpage，都不時講笑話就執笠。喂，唔好呀，我會返嚟架！即刻幫你出post呀 😂
溫提：老闆話未必日日開，最好去之前撥個輪。
#成日覺得用公仔做主題嘅餐廳食物冇咩特別 #如果你咁諗未免太年輕 #為食人夫 #我聽日開始keepfit
Search